Pratenichki sostav
 
Пратенички состав


Петок, 27 декември 2013 година

Работен состанок на претседателот Вељаноски со македонскиот дипломатски кор

Претседателот на Собранието на Република Македонија, г. Трајко Вељаноски, денеска оствари работен состанок со шефовите на дипломатско-конзуларните претставништва и мисии на Република Македонија во странство.

На средбата присуствуваа и претседателот на Комисијата за надворешна политика, г. Антонијо Милошоски и претседателот на Комисијата за европски прашања, г. Хајрула Мисини.

Македонскиот дипломатски кор ги информираше претседателот Вељаноски и двајцата пратеници за актуелните прашања од областа на дипломатското застапување на Република Македонија и воедно разменија мислење за повеќе сегменти значајни за одржување на доброто ниво на парламентарната соработка, но и за нејзино продлабочување со другите држави и ефектуирање на таа соработка.

Во фокусот на разговорите беа и стратешките приоритети и цели на Република Македонија, членството во НАТО и отпочнување на преговорите со Европската унија.

Претседателот Вељаноски се заблагодари за досегашниот ангажман на македонските дипломати во насока на јакнење и унапредување на парламентарната соработка на Собранието на Република Македонија со Парламентите на другите државите и за севкупното нивно залагање во градењето позитивна слика за нашата држава, презентирање на капацитетот со кој располага и вредностите кои ги има.