Соопштенија

Вторник, 18 декември 2018 година

ДОДЕЛУВАЊЕ НА ДРЖАВНАТА НАГРАДА „МИТО ХАЏИ ВАСИЛЕВ-ЈАСМИН“

На 21 декември 2018 година (петок), во Свечената сала на Собранието на Република Македонија, во 12.00 часот, Одборот за доделување на државната награда „Мито Хаџи Василев-Јасмин“ ќе ја додели наградата „Мито Хаџи Василев-Јасмин“ за 2018 година за остварување во областа на публицистиката и новинарството од интерес на Република Македонија. Државната награда „Мито Хаџи Василев-Јасмин“ за остварување во областа на публицистиката и се доделува на Марина Костова, публицист, а за остварување во областа на новинарството на Емин Аземи, новинар.

повеќе...

Петок, 7 декември 2018 година

Положување венец свежо цвеќе

По повод погребот на Љубиша Георгиевски, поранешен претседател на Собранието на Република Македонија, на 9 декември 2018 година (недела) од 11:30 до 13:00 часот на Градските гробишта „Бутел“, венец свежо цвеќе ќе положи собраниска делегација, предводена од претседателот Талат Џафери, а составена од потпретседателот Горан Мисовски и координаторот на Пратеничката група на ВМРО-ДПМНЕ, Никола Мицевски.

повеќе...

Петок, 7 декември 2018 година

ПОЛОЖУВАЊЕ ВЕНЕЦ СВЕЖО ЦВЕЌЕ 

По повод празникот 8 Декември - „Св. Климент Охридски“, делегација на Собранието на Република Македонија, во состав: потпретседателката Фросина Ташевска-Ременски, Ирена Стефоска, Весна Дамчевска-Илиевска и Владанка Авировиќ, на 8 декември 2018 година (сабота), во 10:30 часот, ќе положи венец свежо цвеќе пред споменикот на Св. Климент Охридски во НУБ „Св. Климент Охридски“.

повеќе...

Сабота, 8 декември 2018 година

ДОДЕЛУВАЊЕ НА ДРЖАВНАТА НАГРАДА „СВ. КЛИМЕНТ ОХРИДСКИ“

Државната награда „Св. Климент Охридски“, за остварување во областа на воспитанието и образованието, им се доделува на: Кимет Агаи и Аднан Агаи, просветни работници; наградата за остварување во областа на културата и уметноста, им се доделува на: Владимир Милчин, режисер, Емилија Стаменковиќ (Џипунова), балетски уметник и Томислав Османли, писател, а наградата за остварување во областа на здравството му се доделува на проф. д-р Борислав Каранфилски, патофизиолог, специјалист по нуклеарна медицина.

повеќе...

Среда, 5 декември 2018 година

Груби во САД на средби во Конгресот и Стејт Департментот

Претседателот на Комисијата за европски прашања и на Групата за пријателство со САД, Артан Груби ќе престојува во Соединетите Американски Држави од 5 до 9 декември 2018 година, каде што ќе реализира работни средби со конгресмени и сенатори во Американскиот Конгрес, но и во Сенатот и Стејт Департментот.

повеќе...

Понеделник, 26 ноември 2018 година

Собраниска делегација на тркалезна маса на високо ниво во Брисел

Делегација на Собранието на Република Македонија,  во состав: Горан Милевски, Ејуп Аљими, Мери Лазарова и Никола Мицевски, на 27-28 ноември ќе учествуваат на втората тркалезна маса на високо ниво во Брисел,  на покана  на  претседателот на Европскиот парламент, Антонио Тајани.

повеќе...

Четврток, 22 ноември 2018 година

Јавна расправа на тема: „Енормно загадување на амбиентниот воздух во Република Македонија“

Комисијата за транспорт, врски и екологија, покани претставници од различни организации, институции, здруженија и асоцијации, да учествуваат на расправата и да дадат свои мислења и ставови во врска со темата на јавната расправа.

повеќе...

Петок, 16 ноември 2018 година

ДЕЛЕГАЦИЈА НА КОМИСИЈАТА ЗА ЕВРОПСКИ ПРАШАЊА НА КОНФЕРЕНЦИЈА ВО ВИЕНА

Делегација на Комисијата за европски прашања на Собранието на Република Македонија во состав: Шпреса Хадри, Лидија Тасевска и Владанка Авировиќ, ќе учествуваат на Конференцијата на претседатели на Комисиите за европски прашања на земјите членки на Европската Унија (КОСАК), што ќе се одржи од 18 до 20 ноември 2018 година во Виена, Република Австрија.

повеќе...

Петок, 16 ноември 2018 година

Учество на Комисијата за култура на меѓупарламентарен комисиски состанок во Европскиот парламент

На покана од Европскиот парламент, претседателката на собраниската Комисија за култура, Ирена Стефоска, ќе учествува на меѓупарламентарен комисиски состанок на тема „Европско културно наследство“ што ќе се одржи на 19 и 20 ноември во Европскиот парламент во Брисел, Кралство Белгија.

повеќе...

Сабота, 10 ноември 2018 година

Положување венци свежо цвеќе по повод 13 Ноември

По повод 13 Ноември - Денот на ослободување на Градот Скопје, Делегација на Собранието на Република Македонија, предводена од попретседателот Горан Мисовски, а во состав: Татјана Прентовиќ, Илија Николовски, Весна Дамчевска-Илиевска и Нола Исмајлоска-Старова, на 13 ноември 2018 година (вторник), ќе положи венец свежо цвеќе, и тоа: 

повеќе...

  • 1
  • 2
  • 3
  • ...
  • 11
  •