Соопштенија

Понеделник, 21 мај 2018 година

Пратеникот Џеват Адеми на Конференција во Букурешт 

Од 21 до 22 мај 2018 година во Букурешт, Романија, ќе се одржи Конференцијата на претседатели на секции на Парламентарното собрание на Франкофонијата (ПСФ) на која ќе учествува г. Џеват Адеми, претседател на Секцијата на Собранието на Република Македонија во Парламентарното собрание на Франкофонијата (ПСФ).

повеќе...

Петок, 18 мај 2018 година

Надзорна расправа на Комисијата за култура

Комисијата за култура на својата 14. седница ќе одржи надзорна расправа на тема „Закон за управување со светското природно и културно наследство во Охридскиот регион и сродната регулатива во контекст на Конвенцијата на УНЕСКО за заштита на природното и културно наследство“.

Надзорната расправа ќе се одржи на 22 мај 2018 година (вторник), со почеток од 11.00 часот, во Сала „Борис Трајковски“ во зградата на Собранието на Република Македонија, ул. „11 Октомври“ 10 Скопје. 

повеќе...

Четврток, 10 мај 2018 година

Пратеничката Славица Шуманска-Митева на Конференција во Белград

Пратеничката во Собранието  на Република Македонија, г-ѓа Славица Шуманска-Митева, учествува на Конференција на тема: „Преку идејата за ЕУ кон мир и стабилност“, што ќе се оддржи на 11-12 мај во Белград, на покана на  претседателот на Комисијата за европски интеграции на Парламентот на Република Србија, г. Ненад Чанак. 

повеќе...

Четврток, 3 мај 2018 година

ПОЛАГАЊЕ ЦВЕЌЕ НА ГРОБОТ НА ГОЦЕ ДЕЛЧЕВ

По повод 115-годишнината од смртта на македонскиот револуционер Гоце Делчев, делегација на Собранието на Република Македонија, предводена од г-ѓа Фросина Ташевска-Ременски, потпретседател на Собранието на Република Македонија, во состав: г. Далибор Богдановски, г. Горан Манојловски и г-ѓа Жаклина Пешевска на 4 мај (петок) во 10.00 часот во црквата „Свети Спас“, на гробот на Гоце Делчев, ќе положи венец свежо цвеќе.

повеќе...

Четврток, 3 мај 2018 година

Доделување на наградата „Гоце Делчев“

На 4 мај 2018 година (петок) во Свечената сала на Собранието на Република Македонија, во 12.00 часот, Одборот за доделување на наградата „Гоце Делчев“ ќе ја додели наградата „Гоце Делчев“ за 2018 година за особено значајни остварувања од интерес за Република Македонија во областа на науката.

повеќе...

Четврток, 3 мај 2018 година

Пратеничката Прентовиќ на Седница на Комисијата за соработка и развој на Парламентарното собрание на Франкофонијата во Рим

Од 3 до 4 мај 2018 година во седиштето на FAO (Food and Agriculture Organization-Организација за храна и земјоделство на ОН) во Рим, Италија, ќе се одржи Седница на Комисијата за соработка и развој на Парламентарното собрание на Франкофонијата (ПСФ) на која ќе учествува г-ѓа Татјана Прентовиќ, пратеник и член на Делегацијата на Секцијата на Собранието на Република Македонија во Парламентарното собрание на Франкофонијата (ПСФ).

повеќе...

Вторник, 24 април 2018 година

Комисијата за економски прашања на состанок посветен на енергијата добиена од обновливи извори

Делегација на Собранието на Република Македонија во состав: г. Горан Милевски, претседател; г. Агим Шаќири, заменик-претседател и г. Хари Локвенец, член на Комисијата за економски прашања учествува на состанок посветен на енергијата добиена од обновливи извори во организација на Енергетската заедница, кој се одржува на 24 април 2018 година (денеска) во седиштето на Европскиот парламент, во Брисел, Кралството Белгија.

повеќе...

Понеделник, 23 април 2018 година

Пратеникот Китев на Пролетната сесија на ПССЕ

Пролетната сесија на Парламентарното собрание на Советот на Европа се одржува од 23 до 27 април 2018 година во Стразбур, Француската Република, на која учествува г. Бетиан Китев, шеф на Делегацијата на Собранието на Република Македонија во ПС на СЕ. 

повеќе...

Петок, 20 април 2018 година 

Собраниска делегација на студиска посета на Државниот завод за ревизија и Парламентот на Република Хрватска

Претседателката на Комисијата за финансирање и буџет, г-ѓа Лилјана Кузмановска и  членовите на Комисијата: г. Реџаиљ Исмаили и г. Диме Велковски, од 23 до 26 април 2018 година, ќе присуствуваат на студиска посета во Загреб, Република Хрватска. 

повеќе...

Среда, 18 април 2018 година

Комисијата за европски прашања во официјална посета на Софија

На покана на претседателот на Комисијата за европски прашања и контрола на европските фондови во Народното собрание на Република Бугарија, г. Кристијан Вигенин, делегација од Комисијата за европски прашања на Собранието на Република Македонија, предводена од г. Артан Груби, претседател на Комисијата за европски прашања и членовите ќе престојуваат во официјална посета на Софија, од 18 до 19 април 2018 година. 

повеќе...

  • 1
  • 2
  • 3
  • ...
  • 8
  •